Viloyat hokimi hamda viloyat Ichki ishlar boshqarmasi boshlig‘ining  joriy yil 24 oktabrda kunidagi “Xotin-qizlar o‘rtasida va oila-turmush doirasidagi jinoyatlarni oldini olish, oilalardagi ma’naviy muhitni sog‘lomlashtirish, xotin-qizlar bilan individual ishlash va ularnnng huquqiy ongini oshirish hamda bo‘sh vaqtlarini mazmunli o‘tkazish maqsadida “Mustahkam oila” profilaktik tadbirini o‘tkazish to‘g‘risida” gi  qo‘shma qaroriga asosan, Qarshi shahar ichki ishlar organlarini faoliyatini muvofiqlashtirish boshqarmasida ishchi guruhning yig‘ilishi bo‘lib o‘tdi.  

Unda viloyat hokimining oila va xotin-qizlar masalalari bo‘yicha  o‘rinbosari Ziyoda Aminova, viloyat ichki ishlar boshqarmasi boshlig‘i o‘rinbosari podpolkovnik Rustamjon Do‘stmatov ishtirok etib, ishchi guruh oldiga xotin-qizlar bilan olib boriladigan profilaktik tadbirlar borasida aniq vazifalar qo‘yildi.

Yig‘ilishda boshqarma jamoat xavfsizligi xizmati huquqbuzarliklar profilaktikasi boshqarmasi boshlig‘ining xotin-qizlar masalalari bo‘yicha o‘rinbosari polpolkovnik Zamira Rustamova hamkor tashkilotlar, mahalla yettiligi mas’ullariga xotin-qizlar o‘rtasida jinoyatlarni oldini olish, oilalardagi nizolarni bartaraf etish, ularni huquqiy bilimini oshirish orqali tazyiq va zo‘ravonlikdan himoya qilish bo‘yicha taqdimot bilan ishtirokichlarni tanishtirdi. 

So‘ngra, ishchi guruh a’zolari nizoli oilalarni muammolarini o‘rgandi. Er-xotin o‘rtasidagi nizo, spirtli ichimlikka ro‘ju qo‘yish, nogiron farzandini davolatish hamda ish bilan ta’minlanishga oid masalalar mutasaddilar ishtirokida ko‘rib chiqildi. .

 Natijada oilalarning ayrim muammolari hal etildi. Qolgan muammolar hal etish uchun mas’ullarga yuklatilib, ijrosi nazoratga olindi.

Shuningdek,  ishchi guruh tomonidan tunggi kafe barlarda raqqosalik bilan shug‘ullanib yurgan bir guruh xotin-qizlar ichki ishlar organlariga taklif etilib, ular bilan profilaktik suhbatlar o‘tkazildi.

“Mustahkam oila” profilaktik tadbiri viloyat bo‘ylab davom etmoqda.