Chiroqchi tumani hududida xotin qizlar va  yoshlarning ma’naviy muhitini sog‘lomlashtirish, ular o‘rtasida ta’lim olish sifatini yaxshilash, huquqbuzarlik va jinoyatlarning oldini olish maqsadida tuman xalq ta’limining barcha mas’ullari ishtirokida seminar yig‘ilish tashkil etildi. Uchrashuvda tuman hokimi Fayzulla Yusupov, viloyat oila va xotin-qizlar boshqarmasi bo’lim boshlig’i Manzura Ochilova, viloyat IIB JXX Xotin-qizlar masalalari bo’yicha boshlig’i Zamira Rustamova boshchiligida, mahalla xotin qizlar faollari, tuman maktablari o’qituvchi va psixologlari bilan birgalikda profilaktik tadbir o’tkazildi. Unda so’z olganlar yoshlar o’rtasida erta turmushning oldini olish, oilalarda ma’naviy muhitni sog’lomlashtirish hamda tarbiyaviy ma’rifiy ishlarni to‘g‘ri yo‘lga qo‘yish bo’yicha olib borilayotgan ishlarni tahlil qilib, xizmat ish faoliyati davomida xato va kamchilikka yo’l qo’ygan mutasaddilarga tegishli choralar qo’llanildi.

Shu bilan birga tumandagi xotin-qizlarning bandligini ta’minlash,   ularning ijtimoiy ahvolini yaxshilash borasidagi ishlar ham o‘rganildi. Jumladan,  tumanda faoliyat yuritayotgan “Buyursin tekstil" tikuvchilik sexida 150 nafar xotin qizning bandligi ta’minlangan.

Mas’ullar tomonidan tumandagi “Kishmish tepa" MFY yettiligining faoliyati o‘rganilib,  mahallada yashovchi xonadonlarga kirib,  aholining ijtimoiy yashash tarzi,  muammolari tinglandi. Tumanda yashovchi xotin qizlarning huquqiy ongini oshirish maqsadida bukletlar tarqatildi.