Viloyatda o‘tgan haftada jinoyatlarni oldini olish va sodir etilganlarini fosh etish muhokama qilindi
Qashqadaryo viloyati Ichki ishlar boshqarmasi
boshlig‘ining birinchi o‘rinbosari polkovnik
Baxtiyor Rajapov huzurida vohada o‘tgan haftada jinoyatlarni erta
aniqlab oldini olish, sodir etilganlarini fosh etish, yoshlar o‘rtasida
giyohvanlik va narkotik moddalarning tarqalishini oldini olish tadbiri
doirasidagi ishlar, turli norasmiy va ekstremistik guruhlarning kirdikorlarini
fosh etish borasida amalga oshirilgan ishlar muhokama etildi. Ko‘lami keng
yig‘ilishda boshqarma tezkor xizmati tarkibiy bo‘limlari rahbarlari,
shahar-tuman ichki ishlar bo‘limlari boshliqlari va ularning o‘rinbosarlari,
tezkor xizmat vakillari videoselektor tarzida ishtirok etdi.
Yig‘ilishda viloyatda jinoyatlarni oldini
olish, sodir etilganlarini fosh etish borasida tezkor xizmat vakillari
tomonidan amalga oshirilgan ishlar, faoliyatda yo‘l qo‘yilgan kamchiliklarni
atroflicha tahlil etilib, tezkor xizmatlar rahbarlari oldiga aniq vazifalar
qo‘yildi.
