Viloyat IIB jamoasi g‘olib
Qashqadaryo viloyati IIB tarkibiy
bo‘limlari va sohaviy xizmatlari hamda shahar-tuman IIBlari xodimlari o‘rtasida
sportning futbol turi bo‘yicha musobaqasi bo‘lib o‘tdi. Ichki ishlar organlari xodimlarining
jismoniy va jangovar tayyorgarligini oshirish maqsadida tashkil etilgan musobaqaning
dastlabki bosqichi hududlarda shahar-tuman IIBlararo tashkil etildi.
Hududiy bosqichda peshqadam bo‘lgan
jamoalar Qarshi davlat universiteti o‘yingohida o‘zaro g‘oliblik uchun tup surishdi.
Qizg‘in va murosasiz kechgan musobaqada viloyat
IIB jamoasi g‘oliblik shohsupasidan joy oldi. Navbatdagi sovrinli o‘rinlarni Yakkabog‘
tuman IIB va G‘uzor tuman IIB futbolchilari band etishdi.
Shuningdek, musobaqada “Eng yaxshi hujumchi” va
“Eng yaxshi darvozabon” nominatsiyalari g‘oliblari ham aniqlanib, rag‘batlantirildi.
G‘oliblar boshqarma rahbariyatining diplomi va qimmatbaho
sovg‘alari bilan taqdirlandi.
