“Qizil” toifadagi Mustaqillik mahallasida bo‘lgan boshqarma boshlig‘i o‘rinbosari, polkovnik Farrux Tairov, Yakkabog‘ tuman IIB boshlig‘i podpolkovnik Shuhrat Choriyev va mahalla yettiligi ishtirokida bo‘lib o‘tgan yig‘ilishda hududda kriminogen vaziyatning holati, sodir etilgan jinoyatlarni atroflicha muhokama  etdi.

Mahallada barqarorlikni ta’minlash, jinoyatchilikni erta aniqlab  oldini olish, sodir etilganlarini fosh etish, jinoyat yuzaga kelishiga sabab bo‘lgan shart-sharoitlar va omillarni birma-bir tahlil etildi.

Ko‘lami keng yig‘ilishda mahallada sodir etilgan qonunbuzarliklar ochiq tahlil etilib, aholi muammolarini o‘rganish va yechim topish, fuqarolarni bandligini ta’minlash borasidagi ishlar, notinch oilalardagi vaziyatni o‘rganib, muammolarini hal etish,  muqaddam sudlanganlar va yoshlarni ish bilan ta’minlash borasida yettilik amalga oshirgan ishlarni yanada jadallashtirish lozimligi qayd etildi.

Mustaqillik mahallasi yettiligi bilan kelgusida “qizil” toifadan  “yashil”ga o‘tish uchun “fuqarobay”, “mahallabay”, 2xonadonbay” ishlarni jonlantirish, qonunbuzarliklarni oldini olish borasida “Ijtimoiy profilaktika” tizimining ish samaradorligini oshirish, jamoatchilik kuchidan samarali foydalanish, tungi vaqtlarda nazorat kuchaytirish, bozorlar, aholi gavjum to‘planadigan joylarga videokuzatuv moslamalari o‘rnatish borasida mutasaddilarga tegishli tavsiya va topshiriqlar berildi.

Faoliyat davomida yoshlar va ayollarning muammolarini aniqlash va hal etish, ularni bandligini ta’minlash bo‘yicha mahalla yettiligi va sektor ishchi guruhiga  yo‘riqnomalar berdi.

Bu boradagi ishlar davom ettirilmoqda