VIKTIMOLOGIK PROFILАKTIKА SАMАRА BERАDI
Yurtimizda osoyishtalikni mustahkamlash, fuqarolar xavfsizligini taʼminlash, jamoat tartibini saqlash, jinoyatlarni erta aniqlab oldini olish, roʼy berganlarini fosh etish maqsadida vohamizda keng qamrovli “Tozalash-antiterror” profilaktik tadbiri oʼtkazilmoqda. Rejaga koʼra, joylarda keng jamoatchilik vakillari, fuqarolar bilan oʼtkazilayotgan profilaktik tadbirlarda tadbirkorlik subʼektlari rahbarlari bilan mol-mulklari daxlsizligini taʼminlash, qonunbuzarliklarni oldini olish maqsadida bino va ishlab chiqarish maskanlariga video kameralar oʼrnatish tushuntirilmoqda. Bu kabi saʼy-harakatlar natijasida Qarshi shahar IIO FMB 3-sonli IIB HPB profilaktika inspektori katta leytenant B. Xolmurodov tashabbusi bilan “Nuriston” MFY hududida joylashgan tadbirkorlik obʼektilarida videokuzatuv moslamasi oʼrnatilib, viktimologik profilaktika ishlari amalga oshirilmoqda.
