Vazir o‘rinbosarining Qashqadaryo viloyatidagi o‘rganishlari davom etmoqda
Ichki ishlar vaziri o‘rinbosari —
Ma’naviy - ma’rifiy ishlar va kadrlar bilan ta’minlash departamenti boshlig‘i
general-mayor Davron Nazarmuxamedov boshchiligidagi ishchi guruh Qashqadaryo
viloyatidagi o‘rganishlari davomida bugun Chiroqchi va Ko‘kdala tumanlarida
bo‘ldi.
Dastlab, Vazir o‘rinbosari
Chiroqchi tumanidagi Mustaqillik mahallasida yangi bunyod etilgan huquq
tartibot maskanining ochilish tadbirida ishtirok etib, “Mahalla huquq-tartibot
maskani”da onlayn sud majlisi o‘tkaziladigan, videokonferensaloqa seansini
o‘tkazish uchun mo‘ljallangan qurilmalar, yig‘ilish zali, jamoatchilik
vakillariga mo‘ljallangan xonalarni o‘z ichiga olgan maskan faoliyati, tuman
Milliy gvardiya Qo‘riqlash bo‘limining pultxonasi ishlash tizimi, aholi
xonadonlari va maishiy xizmat ko‘rsatish shoxobchalariga o‘rnatilgan tashvish
signallari ish usuli taqdimoti bilan tanishdi.
Shundan so‘ng, Mustaqillik mahallasi beshligi
ishtirokida kriminogen vaziyatni
jilovlash, jinoyat va huquqbuzarliklar
sodir etilishiga sabab bo‘layotgan omillar hamda “ijtimoiy profilaktika” tizimining
samaradorligini oshirish borasida “fuqarobay”, “mahallabay” ishlar, amalga
oshirilayotgan chora-tadbirlarni atroflicha tahlil etdi. Muloqot davomida
“qizil” toifadagi mahallalarda yoshlar va ayollarning muammolarini aniqlash va
hal qilish, fuqarolar bandligini ta’minlash bo‘yicha mahallalar beshligiga
yo‘riqnomalar berdi.
Tadbirda o‘z xizmat vazifalariga
vijdonan yondashib, korrupsiya holatini oldini olishga o‘z hissasini qo‘shib,
hamkasblariga o‘rnak bo‘lib kelayotgan ikki nafar profilaktika inspektorlariga
hamda ularning ota-onalariga tashakkurnomalar topshirildi. Chiroqchi tuman IIB
JXX HPB profilaktika inspektori, kapitan Jasur Jumayevning xizmat uyida bo‘lib,
yashash uchun oilaviy shart-sharoiti, davlat ramzlari o‘rnatilganligi,
hovlidagi obodonchilik ishlarini ko‘zdan kechirdi.
Tuman ichki ishlar bo‘limida
bo‘lib, ma’muriy binoda xodimlar va aholiga yaratilgan sharoitlar bilan
yaqindan tanishib, hududni obodonlashtirish, xizmat xonalarini axborot
texnologiyalari bilan jihozlanishi, fuqarolar qabuli uchun yaratilgan
shart-sharoitlar, ichki ishlar organlarida ma’naviy-ma’rifiy ishlar
samaradorligini oshirish, xodimlarning intellektual salohiyati, kasbiy
mahoratini yuksaltirish, “xodimbay” ishlash davomida shaxsiy tarkibning oilaviy
va boshqa muammolarini o‘rganib, uchrayotgan muammolarini bartaraf etish
xususida tegishli tavsiyalar berdi.
Vohaning kenja tumanlaridan biri
- Ko‘kdalada bo‘lgan ishchi guruh yangi qurilayotgan ichki ishlar bo‘limi
binosini ko‘zdan kechirdi. Bunyod etilayotgan binoda ichki ishlar organlari
xodimlariga yanada qulaylik yaratish borasida quruvchilar bilan muloqotda
bo‘ldi hamda viloyat ichki ishlar boshqarmasi tomonidan yaqinda qurilib,
foydalanishga topshirilgan Ko‘kdala tumanidagi 18-sonli maktabgacha ta’lim maskanda bolajonlarni tarbiyalash uchun
yaratilgan shart-sharoitlarni ko‘zdan kechirdi.
3-sektor shtabida Ko‘kdala tuman
IIB shaxsiy tarkibi bilan o‘tkazilgan yig‘ilishda Ichki ishlar vaziri
o‘rinbosari kriminogen vaziyatni jilovlash, huquqbuzarlik hamda jinoyatlarn
oldini olish, sodir etilganlarini fosh etish hamda bunga imkon bergan
shart-sharoitlarni asl sabablari, unga turtki bo‘lgan omillar, mavjud
kamchiliklar birma bir tahlil qildi va shaxsiy tarkib qonunchilik, xizmat
intizomiga rioya etishi, fuqarolar bilan xushmuomalada bo‘lish, burchiga
sadoqat shiori asosida xizmat qilish lozimligi ishtirokchilarga tushuntirildi.
Vazir o‘rinbosari boshchiligidagi ishchi guruhning
Qashqadaryo viloyati bo‘ylab
o‘rganishlari davom etmoqda.