Vazifa - xodimlar salomatligini mustahkamlash
Ichki ishlar organlari xodimlari, faxriylar va ularning oila
a’zolarini salomatligini tiklash borasida
IIV Tibbiyot boshqarmasi tizimidagi davolash profilaktika va tibbiy
muassasalar shifokorlari tomonidan bir qator tadbirlar amalga oshirib
kelinmoqda. Jumladan, biriktirilgan tarkibga ko‘rsatilayotgan tibbiy xizmatni
yanada yaxshilash, davolash va sog‘lomlashtirish ishlarini yanada
takomillashtirish, shaxsiy tarkib orasida o‘tkazilayotgan profilaktik tibbiy
ko‘rik samaradorligini oshirish, kasalliklarni yashirin davrlarda erta aniqlash
va davolashni tashkil etish maqsadida IIV Markaziy gospitali, Markaziy poliklinikasi
va Vazirlik “O‘zbekiston” sanatoriysining malakali mutaxassis shifokorlari
Qashqadaryo viloyatida uch kunlik chuqurlashtirilgan tibbiy ko‘rikni
boshlashdi.
Kardiolog, nevrolog, endokrinolog, urolog, travmotolog,
gastroentorlog shifokorlari zamonaviy rentgen, EKG va O‘ZI diagnostikasi
apparatlari yordamida viloyat IIB DPM Tibbiyot bo‘limiga biriktirilgan shaxsiy
tarkibi, pensionerlari va ularning oila a’zolarini chuqurlashtirilgan tibbiy
ko‘rikdan o‘tkazishdi.
Aniqlangan kasalliklar bo‘yicha bemorlarga aniq tashhislar
qo‘yib, ambulator va statsionar davo muolajalari tavsiya etilmoqda.