O‘zbekiston Respublikasi Qurolli Kuchlari tashkil etilganligining 33 yilligini hamda 14 yanvar - Vatan himoyachilari kuni munosabati bilan Qashqadaryo viloyati ichki ishlar boshqarmasi tasarrufidagi “Yulduzcha” maktabgacha ta’lim tashkilotida “Yangi o‘zbekiston armiyasi – mamlakat tayanchi, xalqimiz faxri” shiori ostida “Vatanning yosh himoyachilarimiz” nomli bayrami tadbiri bo‘lib o‘tdi. Unda maktabgacha ta’lim tashkiloti tarbiyachilari va tarbiyalanuvchilari ishtirok etishdi.

Tadbirda milliy armiyamiz, uning qudrati va imkoniyatlari, sarhadlarimiz daxlsizligini ta’minlash borasidagi mashaqqatli va sharafli xizmatlari hamda harbiylarga yaratilgan shart-sharoitlar haqida ishtirokchilarga ma’lumotlar berildi.

Shundan so‘ng, tarbiyachilar va bolajonlar tomonidan tayyorlangan harbiy mashq va boshqa sahna ko‘rinishlari, Vatan, harbiylar haqidagi she’rlar va qo‘shiqlar namoyish etildi. 

Tadbirda bolajonlar aytgan she’r va qo‘shiqlar tomoshabinlarda o‘zgacha taassurot qoldirdi.