Qashqadaryo viloyati IIBda sohaviy xizmatlar rahbarlari ishtirokida kengaytirilgan yig‘ilish bo‘lib o‘tdi.

  Yig‘ilishida boshqarma boshlig‘ining birinchi o‘rinbosari polkovnik Baxtiyor Rajapov so‘z olib, joriy yilning o‘tgan davrida viloyatda jamoat tartibini saqlash, jinoyatchilikka qarshi kurashish va uning oldini olish, sodir etilgan jinoyatlarni “issiq izlar”da fosh etish, fuqarolar xavfsizligini ta’minlash borasida ichki ishlar organlari xodimlari tomonidan amalga oshirilgan ishlarni atroflicha tahlil etildi.

  Huquqbuzarliklar, jinoyatlarni erta aniqlab oldini olish va ro‘y berganlarini fosh etish, qonunbuzarliklarga barham berish, jamoat va fuqarolar xavfsizligini ta’minlashda viloyat IIB tezkor va sohaviy xizmatlar xodimlarining mas’uliyatini oshirish, “Vatanga va xalqqa sadoqat bilan xizmat qilish – oliy burch” g‘oyasi asosida faoliyatini yanada kuchaytirish lozimligi ishtirokchilarga tushuntirildi.  

  Ichki ishlar organlari xodimlarining faoliyat davomida inson qadri uchun shiori ostida boshqa huquqni muhofaza qiluvchi idoralar hamda keng jamoatchilik bilan o‘zaro hamkorlikdagi fuqarolarning huquq va erkinliklarini ta’minlash, qonuniy manfaatlarini himoya qilishi lozimligi ta’kidlandi.

Ko‘lami keng yig‘ilishda kelgusida ichki ishlar organlari xodimlari tomonidan amalga oshirilishi lozim bo‘lgan vazifalar yuzasidan sohaviy xizmatlar rahbarlariga tegishli yo‘riqnomalar berildi.