Qashqadaryo viloyati prokuraturasi bo‘lim boshlig‘i D.Xazratov, tuman hokimi T.Meyliyev hamda tuman prokurori S.Nurmatov raisligida Kasbi tumani huquqni muhofaza qiluvchi organlari faoliyatini muvofiqlashtiruvchi Kengashining kengaytirilgan idoralararo yig‘ilishi bo‘lib o‘tdi.

Yig‘ilishda tuman prokuraturasi, tuman hokimining o‘rinbosarlari, IIB, Milliy gvardiya, Favqulodda vaziyatlar bo‘limi, Mahallalar uyushmasi, Kambag‘allikni qisqartirish va bandlik bo‘limi, Yoshlar ishlari agentligi tuman bo‘limi, Maktabgacha va maktab ta’limi, Madaniyat bo‘limi, tuman tibbiyot birlashmasi va boshqa tashkilotlar rahbarlari ishtirok etdilar.

Yig‘ilishda joriy yil o‘tgan davrida jinoyatchilikka qarshi kurashish, huquqbuzarliklarni oldini olish va jamoat xavfsizligini ta’minlash hamda ijtimoiy – iqtisodiy sohalar kesimida mavjud muammolar va yo‘l qo‘yilayotgan kamchiliklar tanqidiy muhokama qilindi.

Bundan tashqari, xizmat vazifasiga yuzaki va mas’uliyatsizlik bilan qarab, qonunbuzilishi holatlariga yo‘l qo‘ygan xodimlarga nisbatan qat’iy choralar ko‘rilishi lozimligi ta’kidlandi.

Mas’ul rahbarlarning hisobotlari tinglanib, Kengash qarori bilan hududda kriminogen vaziyat barqarorligini ta’minlashda  huquqni muhofaza qiluvchi organlar hamda hokimlik, idora va tashkilotlarning hamkorligini yanada kuchaytirish bo‘yicha chora-tadbirlar belgilanib, ijrosi nazoratga olindi.