Oʼrtoqlik uchrashuvi
Ichki ishlar organlari xodimlari oʼrtasida sogʼlom turmush tarzini keng tatbiq etish, jismoniy tarbiya va ommaviy sportni yanada kengroq targʼib etish maqsadida turli sport musobaqalari oʼtkazish anʼanaga aylangan. Jumladan, viloyat IIB PPX va JTSB PPX batalьonida “Sogʼlom turmush tarzini keng tatbiq etish va ommaviy sportni yanada rivojlantirish”, xodimlar oʼrtasida oʼzaro doʼstlik va hamjihatlik, eng muhimi, sogʼlikni mustahkamlash maqsadida toʼrt kun davomida sportning mini futbol turi boʼyicha batalьon birinchiligi musobaqasi boʼlib oʼtdi.
Chiniqish, oʼzaro ishonchni mustahkamlashga qaratilgan futbol musobaqasida oʼyinchilar tajriba va mahoratlarini ishga solib, gʼoliblik uchun kurashishdi.
Musobaqada 2-otryad jamoasi gʼoliblikni qoʼlga kiritdi. 1-otryad xodimlaridan tuzilgan jamoa 2-oʼrinni, boshqarma PPX batalьoni apparati jamoasi 3-oʼrinni qoʼlga kiritdi. Gʼolib va sovrindorlar batalьon rahbariyatining qimmatbaho sovgʼalari bilan taqdirlandi.
