O‘zbekiston Respublikasi IIV tegishli bayoniga muofiq 2023-yil 07-dekabrdagi kengaytirilgan yig‘ilishi bayoniga asosan, hududlar bo‘yicha o‘sish sur’ati yuqori bo‘lgan jinoyatlarni hududning kriminogen va demografik xususiyatini inobatga olib, ilmiy yondashuv asosida yaratilgan “Hududlar tajribasi”ni amaliyotga joriy etish maqsadida, bezorilik jinoyatlarini oldini olish metodikasi IIV Akademiyasi professor o‘qituvchilari bilan hamkorlikda Qarshi shahar IIO FMB hamda tuman ichki ishlar bo’limi xodimlari ishtirokida o‘quv seminari o‘tkazilib, ularning e’tiboriga metodik qo‘llanmalarning mazmun-mohiyati yetkazildi.

O‘tkazilgan o‘quv seminariga IIV Akademiyasi “Ma’muriy-huquq” kafedrasi professori podpolkovnik E.X.Norbutayev, Qashqadaryo viloyati IIB Ma’naviy-ma’rifiy ishlar va kadrlar bilan ta’minlash xizmati va Jamoat xavfsizligi xizmatining mas’ul xodimlari ishtirok etishdi.

O‘quv seminarida “Hududlar tajribasi” bo‘yicha yaratilgan metodik qo‘llanmalarning mazmun mohiyati interfaol metodlardan foydalangan holda Qarshi shahridagi jinoyatchilik tahlili, “bezorilik jinoyatlarini kriminologik tavsifi”, “bezorilik jinoyatlarini sodir etishga moyil bo‘lgan shaxslarning psixologik xususiyatlari va jabrlanuvchi shaxsning ijtimoiy-psixologik o‘ziga xosligi”, “bezorilik jinoyatlarini oldini olish va unga qarshi kurashish bo‘yicha viktimligi yuqori bo‘lgan shaxslar uchun harakatlar protokoli”, “bezorilik jinoyatlarini oldini olish bo‘yicha xorij tajribalari” doir mavzular batafsil yetkazildi. Xususan, o‘quv seminar mashg‘ulotida ishtirok etgan, xodimlar tomonidan berilgan savollarga atroflicha javoblar berildi.