"Uch avlod uchrashuvi"
Respublikamizda bo`lib
o`tayotgan yoshlarni har tomonlama etuk
va barkamol etib tarbiyalashga
qaratilgan “Vatanparvarlik” oyli
munosabati bilan IIV Qashqadaryo akademik litseyida harbiy xizmatchilar,
faxriylar va o'quvchilar ishtirokida "Uch avlod uchrashuvi" tashkil
qilindi.
Tadbirda Qashqadaryo viloyati
harbiy faxriylar kengashi raisi,
iste’fodagi podpolkovnik G‘ayrat Umirqulov, Mudofaa vazirligi huzuridagi
jamoatchilik kengashi Qashqadaryo viloyati hududiy bo‘limi yetakchi mutaxassisi,
zahiradagi mayor O‘ktam Shoymardonov, "Xonobod" qo‘rg‘onida
joylashgan harbiy qism komandirining
tarbiyaviy va mafkuraviy ishlar bo‘yicha o‘rinbosari podpolkovnik Elyor
Berdiyev ishtirok etdi.
Tadbirda harbiy qism xizmatchilari tomonidan harbiy qism tashkil
etilishining tarixi, bosib o'tgan jangovor yo'li va hozirgi faoliyati batafsil
tanishtirildi. Shuningdek,
harbiy qism uchuvchilari o'quvchilarga xizmat faoliyati davomida foydalanadigan
texnik vositalar, jangovar moslamalarini namoyish etishdi. Bu o'quvchilarda
ushbu sharafli kasbga nisbatan katta qiziqish uyg'otdi.
