Qashqadaryo viloyati IIBda Uch avlod uchrashuvi tadbiri boʼlib oʼtdi. Unda viloyat IIB sohaviy xizmatlari xodimlari, yoshlar va ichki ishlar organlari faxriylari ishtirok etdi. Tadbirni viloyat IIB MMI va KBTX boshligʼi oʼrinbosari podpolkovnik X.Roʼziboev ochdi.
Tadbirda boshqarma Faxriylar kengashi raisi, isteʼfodagi polkovnik Sodiq Islomov soʼzga chiqib, muhtaram Prezidentimiz Shavkat Mirziyoyevning tashabbuslari bilan yosh avlodni tarbiyalashda “ustoz-shogird” anʼnasiga amal qilish, ustozlarni ulugʼlash, ularni orttirgan tajribalaridan unumli foydalanish masalasiga alohida eʼtibor qaratilayotganini taʼkidladi. Yurtimizda faxriylarga koʼrsatilayotgan ehtirom, ularni har tomonlama qoʼllab-quvvatlash va ularga davlatimiz tomonidan koʼrsatilayotgan gʼamxoʼrliklarni eʼtirof etdi.
Oʼz navbatida faxriylar ham yoshlarda vatanga muhabbat, Prezidentga sadoqat tuygʼularini yanada chuqurroq singdirish maqsadida “Uch avlod uchrashuvi” kabi qator tadbirlarda yoshlar va xodimlarning kasb mahorati va tajribasini oshirishga oʼz hissasini qoʼshib kelayotir.
Faxriylarning tajribasi va malakasi yosh xodimlar uchun ibrat maktabi. Ichki ishlar organlarida samarali xizmat qilib, bugungi kunda faxriylik gashtini surayotgan otaxonlarning aksariyati oʼyda oʼtirishni ep bilmasdan ustoz-shogird anʼanasiga sodiq qolgan holda soha vakillaridan oʼz maslahatlarini ayamayotganligini alohida taʼkidlandi.