Tungi xizmat oldi yo‘riqnoma berildi
Qashqadaryo viloyati IIB boshlig‘ining birinchi
o‘rinbosari, polkovnik Baxtiyor Rajapov “Xavfsiz shahar”, “Xavfsiz mahalla”
tadbiri doirasida Qarshi shahrida tungi xizmatga jalb etilgan ichki ishlar
organlari, prokuratura, milliy gvardiya va “Qalqon” jamoatchilik guruhi hamda
boshqa mutasaddi idorlar vakillariga huquqbuzarliklar va jinoyatlarni oldini
olish va ro‘y berganlarini fosh etish, jamoat tartibini saqlash, fuqarolar
xavfsizligini ta’minlash maqsadida “Nasaf” o‘yingohida yo‘riqnoma o‘tdi.
Tadbir davomida jinoyatlarni “Mahallabay”
jilovlash shahar hududidagi “qizil” toifaga kiruvchi kriminogen vaziyati og‘ir
mahallalarda xizmatni kuchaytirish, mahalla faollari kuchidan samarali
foydalanish, jinoyatlarning oldini olish va unga qarshi kurashish borasida
ta’sirchan chora-tadbirlar ko‘rish vazifasi mas’ullar zimmasiga yuklandi.
Yig‘inda xodimlarning xizmatga shayligi ko‘zdan kechirilib,
osoyishtalikni mustahkamlashga qaratilgan profilaktik tadbirlar davomida fuqarolarga
mol-mulkni tunda qarovsiz qoldirmaslik, ehtiyot choralarini ko‘rish xususida
targ‘ibot ishlarini ham amalga oshirish borasida tushuntirishlar berdi.
Bu boradagi ishlar davom ettirilmoqda.
