“Tomorqa - daromad manbai”
Kitob tumani “Varganza” mahallasi fuqarolari
tomorqalarida, limon, anor, ko‘kat va kartoshka yetishtirib sotish orqali
tomorqadan daromad yaxshigina topishadi.
Barcha
xonadonlar tomorqalarini daromad manbaiga aylantirish maqsadida Kitob tuman
“Xalq banki” mas’ullari ushbu mahallaga biriktirilgan bo‘lib, “Bir mahalla -
bir mahsulot” tamoyili asosida ishlar tashkil etilmoqda.
Qashqadaryo
viloyati IIB boshlig‘ining o‘rinbosari – Xavfsiz turizmni ta’minlash
boshqarmasi boshlig‘i, polkovnik Farrux Tairov va tuman IIB boshlig‘i
podpolkovnik Ikrom Tog‘ayev “Varganza” mahallasida bo‘lib, yerdan foydalanishni
samarali tashkil qilish hamda yoshlarga eksportbop oziq-ovqat mahsulotlari
yetishtirish uchun ajratilgan yer maydonidagi ekinlar rivojini ko‘zdan
kechirishdi.
O‘rganishlar davomida fuqarolarga bo‘sh
yerlardan unumli foydalanish, imkon darajasida tomorqada qishloq xo‘jalik
mahsulotlari ekib daromad olish, mabodo iqtisodiy muammolar yuzaga kelganda
bank krediti asosida ishlarni tashkil etish borasida taklif va tavsiyalar
berildi.