Joriy yil 29 mart kuni Qashqadaryo viloyati IIB TQX JQB Korrupsiya va iqtisodiy jinoyatlarga qarshi kurashish bo‘limi hamda Koson tuman IIB TQX JQB xodimlari tomonidan o‘tkazilgan tezkor-tadbir davomida noqonuniy spirtli ichimliklar tayyorlab kelayotgan shaxsning kirdikorlari fosh etildi. Jumladan, Koson tumani “Yangiobod” mahallasida yashovchi T.B. ning yashash xonadoni tezkor tadbir ishtirokchilari tomonidan ko‘zdan kechirilganida, yashash xonadonida yashirin ravishda aroq sex tashkil qilib, unda sifatsiz aroq mahsulotlarini ishlab chiqarayotganligi aniqlandi.

Fuqaroning xonadonidan 2 dona 100 litr hajmdagi aroq tayyorlash uchun mo‘ljallangan yelim idish, 4 dona rezina bolg‘a, 1 dona etiketka tayyorlash uchun pech, 1 dona 5 litr hajmli gaz balon, 1 dona kesish uchun mo‘ljallangan stanok,  16.000 dona 5 turdagi aroq qopqoqlari, 3 dona 0,5 litr xajmli “Russkaya vodka” arog‘i, 150 dona 2 xil turdagi yashil va qizil rangli “Shahrisabz” nomli aroq mahsulotining quttisi, 3000 dona aksiz markalar, 1.000 dona “Russkaya vodka” yozuvli aroq etiketkalari, 3 dona 10 litr xajmdagi yelim idishlarda jami 30 litr spirt mahsulotlari, 1.100 dona bo‘sh shisha idishlari va narxi jami 27 million 263 ming so‘mlik ashyoviy dalillar kelgusida tekshirib ko‘rishlik uchun rasmiylashtirib olindi.

Hozirda holat yuzasidan huquq-tartibot organlari xodimlari tomonidan surishiruv harkatlari olib borilmoqda.