Viloyat IIB Xavfsiz turizmni ta’minlash boshqarmasi xodimlari Shahrisabz shahar Amir Temur xiyobonida joylashgan Musiqa va san’at maktabining o‘qituvchilari va o‘quvchilari ishtirokida targ‘ibot uchrashuvi o‘tkazishdi. Uchrashuvda so‘z olganlar ishtirokchilarga voyaga yetmaganlar hamda yoshlar o‘rtasida jinoyatchilik, huquqbuzarliklarni oldini olish, ularni sodir etilishiga imkon berayotgan sharoitlarni bartaraf etish, yoshlarni bo‘sh vaqtlarini mazmunli tashkil etish borasida o‘z fikrlarini bildirishdi. Yoshlarni chalg‘ituvchi norasmiy diniy oqimlar, ularni o‘z domiga tortishga urinayotgan giyohvandlik illati inson kamolotiga, imon-e’tiqodiga xavf-xatar solish bilan bir qatorda mustaqil mamlakatimiz rivojlanishi va taraqqiyotiga ham o‘ta salbiy ta’sir ko‘rsatishi yuzasidan tushuntirishlar berildi.

Shuningdek, uchrashuv davomida, qish faslining eng kutilgan bayrami Yangi yil yaqinlashgani sari ko‘cha-ko‘yda pirotexnika vositalarini noqonuniy savdosi, bolalar tomonidan turli pirotexnika vositalaridan foydalanish hollari ko‘payishi, uning ayanchli oqibatlari uni mamlakatimizga olib kirish, tashish, saqlash va sotish taqiqlanganligi, bunday harakatlar uchun qonunlarda javobgarlik va jazo choralari belgilanganligi profilaktik suhbat davomida ishtirokchilarga tushuntirildi. Shu bilan birga uchrashuv davomida, turizm namoyish obyektlarida madaniyat, ma’naviyat hamda axloq normalariga, tozalikka, shaxsiy gigiena qoidalariga rioya qilishlari, xorijiy turistlar bilan xushmuomilada bo‘lishlari, bundan tashqari, hududda o‘z xatti-harakati  bilan shubha o‘yg‘otadigan kimsalar, yordamga muhtoj mahalliy, xorijiy sayyohlar aniqlanganda, Xavfsiz turizmni ta’minlash boshqarmasiga murojaat qilishlari yoki hududda xizmat olib borayotgan boshqarma xodimlarini xabardor qilishlari yuzasidan tushuntirish ishlari olib borilib, ishtirokchilarni qiziqtirgan savollarga ham javoblar berildi.