Qashqadaryo viloyati IIBda  “Ta’limga yo‘naltirilgan sarmoya – eng samarali investitsiya” mavzusida “Ma’naviyat va ma’rifat darsi” bo‘lib o‘tdi. Unda viloyat IIB rahbariyati, tarkibiy bo‘limlari va sohaviy xizmatlar xodimlari ishtirok etdi. Uni viloyat IIB MMI va KBTX boshlig‘i o‘rinbosari, podpolkovnik Shermuxammad Muslimov ochdi. 

Tadbirda so‘zga chiqqan  Qarshi davlat universiteti jahon tarixi kafedrasi o‘qituvchisi falsafa fanlari nomzodi Atxam Panjiyev dunyodagi eng rivojlangan mamlakatlar ham hozirgi darajagacha yetib kelishida ta’lim tizimiga yuksak tarzda e’tibor qaratganligi asosiy omil bo‘lgan. O‘zbekistonda ham inson kapitaliga, ta’limga qaratilayotgan e’tibor ilk natijalarini ko‘rsata boshladi. Birgina misol, bolalarni maktabgacha ta’lim bilan qamrab olish darajasi 27 foizdan 70 foizga oshdi. Oliy ta’limda esa qamrov 9 foizdan qariyb 40 foizga yetayotganini bildirdi.

Mutaxassislarning fikricha, ta’limga kiritilgan investitsiya birdaniga samara bermaydi. Kamida 5–10 yil kutish lozim. Bu borada tahliliy ma’lumotlarga tayanilsa, shubhasiz, maqsadga muvofiq bo‘ladi. YA’ni bugun O‘zbekistonning rivojlanganlik darajasiga qarab ta’limning qaysi bo‘g‘iniga sarmoya yo‘naltirilishi lozimligi

Ta’lim-tarbiya tizimi haqida gapirganda, Abdulla Avloniy bobomizning dono fikrlarini takror va takror aytishga to‘g‘ri keladi: ta’lim-tarbiya biz uchun hayot-mamot masalasidir. Biz yetuk kadrlarni tarbiyalamasdan turib ijobiy o‘zgarishlarga, farovon hayotga erisha olmaymiz. Bunday kadrlarni, millatning sog‘lom genofondini tayyorlashda, avvalo, maktabgacha ta’lim tizimining o‘rni beqiyos. Shuning uchun ham ushbu tizimni qayta ko‘rib chiqish masalasi davlat siyosati darajasiga ko‘tarildi. Sohani takomillashtirish sari ilk qadamlar tashlanmoqda.

Tadbirda boshqarma MMI va KBTX katta inspnktori kapitan Xamza Niyozov ichki ishlar organlarida korrupsiyaga qarshi kurashish va uni oldini olishga doir qonunlar, qarorlar, Tashkiliy boshqarma MBIG bosh inspektori mayor Iskandar Rahmonqulov ichki ishlar organlariga kelib tushgan murojaatlar tahlili, boshqarma TQKB boshlig‘i o‘rinbosari, mayor Begzok Jovliyev hafta mobaynida dunyodagi ijtimoiy-siyosiy vaziyat to‘g‘risida yig‘ilish ishtirokchilariga ma’lumot berishdi.

Yakunda navbatdagi maxsus unvonlar o‘z egalariga tantanali ravishda topshirildi.