Talaba-yoshlar o‘rtasida huquqbuzarliklarni oldini olish va uning profilaktikasi
Oʻzbekiston
Respublikasi Oliy taʼlim, fan va innovatsiyalar vazirligi hamda Oʻzbekiston
Respublikasi Ichki ishlar vazirligi bilan hamkorlikda “Oliy taʼlim
muassasalarida huquqbuzarliklar profilaktikasini amalga oshirilishini yanada
takomillashtirish toʻgʻrisida”gi 2024-yil 25-martdagi 06/12-sonli Qoʻshma qaror
imzolandi. Mazkur Qoʻshma qaror asosida YOʻriqnoma hamda Dastur tasdiqlangan.
YOʻriqnomaning 6-bob, 22-bandida, har haftaning payshanba kuni barcha oliy
taʼlim muassasalarida “Talabalar xavfsizligi” kuni oʻtkaziladi.
Jumladan,
bugun Tarix, Matematika va kompyuter ilmlari, Filologiya, Sport va
San’atshunoslik fakultetlarida “Talaba-yoshlar o‘rtasida huquqbuzarliklarni
oldini olish va va uning profilaktikasi” mavzusida o‘tkazilgan tadbirlarda
universitet profilaktika inspektori, kapitan M.Jabbarov, Yoshlar bilan ishlash
bo‘yicha dekan o‘rinbosarlari, Yoshlar bilan ishlash bo‘limi tyutorlari, guruh
murabbiylari, talaba-yoshlar ishtirok etdi.
Tadbirda so‘z olganlar yoshlar orasida keng
tarqalgan huquqbuzarliklarning turli ko‘rinishlari haqida to‘xtalib, barchani
ogohlikka chorlashdi va talaba-yoshlarning ma’naviy olamini yuksaltirish,
ularda yuksak an’analarga hurmat tuyg‘usini shakllantirish muhim ekanligini
qayd etishdi.
