Fidoyilar munosib taqdirlandi
Ona tabiatning uygʼonishi - Navroʼzi olam bayrami Qashqadaryo viloyati IIBda ham munosib nishonlandi. Yangilanish va yasharish ayyomiga bagʼishlangan tadbirga yurt taraqqiyoti va voha osoyishtaligi yoʼlida fidokorona xizmat qilgan, kezi kelganda hamkasblariga oʼrnak boʼlgan ichki ishlar organlari xodimlari jam boʼlishdi. Tadbirni viloyat IIB boshligʼi oʼrinbosari polkovnik Xabibulla Bozorov ochdi.
Joylarda Navroʼz bayrami shodiyonalari koʼtarinki ruhda oʼtishi uchun jamoat tartibini saqlash, fuqarolar xavfsizligini taʼminlash, eng muhimi bayramni karantin talablariga rioya qilgan holda oʼtkazishda namunali xizmat koʼrsatib kelayotgan, tizimda xizmat qilib, osoyishtalikka kamarbasta boʼlayotgan osoyishtalik posbonlariga Ichki ishlar vazirligining 1-, 2- va 3-darajali “Benuqson xizmatlari uchun” koʼkrak nishonlari, Faxriy yorligʼi, esdalik qoʼl soati va pul mukofotlari tantanali ravishda topshirildi.
