Soha faxriylari bilan uchrashuv
Qashqadaryo viloyati IIB JXX YHXB da “Keksalar o‘giti” tadbiri bo‘lib o‘tdi. Unda boshqarma rahbariyati va shaxsiy tarkibi, faxriylar kengashi vakillari ishtirok etishdi.
Tadbirda so‘z olganlar har bir xodimda Vatanga, yurtga muhabbat, kasbga sadoqat tuyg‘ularini shakllantirish, ularni shu ruhda tarbiyalash, ijtimoiy-huquqiy himoya qilish, kasbiy jangovarligini oshirish, xizmat intizomi buzilishini oldini olish, korrupsiya holatlariga murosasiz bo‘lish xususida fikr-mulohazalar bildirishdi.
Shuningdek, shaxsiy tarkibning xizmat intizomi va qonunchilikka rioya etishi, ma’naviy- ma’rifiy bilimi, fuqarolar bilan xushmuomalada bo‘lishi xususida ham taklif va tavsiyalar berishdi.
Yakunda yo‘llarda harakatlanish xavfsizligini ta’minlash, qoidabuzarliklarni oldini olish borasida hamkasblariga o‘rnak bo‘layotgan bir guruh YPX inspektorlariga boshqarma rahbariyatining “Tashakurnomasi” hamda ichki ishlar organlarining turli sohalarida 35 yildan ortiq xizmat qilib, so‘nggi yillarda boshqarma navbatchilik qismi katta navbatchisi lavozimida faoliyat ko‘rsatgan podpolkovnik Raxmatilla Qayumov izzat-ehtirom bilan nafaqaga kuzatildi.
