SАXOVАTDАN KOʼNGILLАR SHOD
Shu kezlarda yurtimizda Navroʼz – yangi kun - ona tabiatning uygʼonishshi va yasharish shukuhi kezib yuribdi. Аna shunday damlarda qutlugʼ Navroʼz ayyomi xalqimiz tomonidan keng miqyosda nishonlanmoqda.
Bunday paytda xalqimizning yiqilganni suyash, chorasiz insonga koʼmak berish, mehr va saxovat koʼrsatish xislatlari yanada yaqqol koʼzga tashlanadi.
Mamlakatimizda tobora anʼananga aylanib borayotgan bu kabi saxovat tadbirlari Navroʼz bayramida yanada yaqqol koʼzga tashlanmoqda. Bunday xayrli va savob tadbirlarida Vazirlik ishchi guruxi Kasbiy tayyorgarlik boshqarmasi boshligi oʼrinbosari F.Bazarov hamda viloyat IIB rahbariyati ham faol ishtirok etmoqda. Jumladan, sohada uzoq yillar samarali xizmat qilib, hozirda faxriylar safida boʼlgan, nogiron, kam taʼminlangan, boquvchisini yoʼqotgan bir guruh oilalar holidan xabar olindi. Faxriylar Navroʼz ayyomi bilan qutlanib, sovgʼa-salomlar, oziq-ovqat mahsulotlari berildi.
Mehr-saxovat tadbiri vohaning shahar-tumanlarida ham davom ettirilmoqda.
