"Probatsiya oyligi" doirasida o‘tkazilayotgan "Hamkor" maxsus profilaktik tadbiri mobaynida Yakkabog‘ tuman IIBda sektorlar rahbarlari, imom-xatib, tuman kambag‘allikni qisqartirish va bandlikka ko‘maklashish bo‘limi, xalq ta’limi, sog‘likni saqlash bo‘limlari va boshqa hamkor tashkilotlar hamda mahalla yettiligi ishtirokida Probatsiya guruhi nazorati ostidagi shaxslar bilan umumiy yig‘ilish o‘tkazildi.
Yig‘ilishni tuman IIB boshlig‘i podpolkovnik Shuhrat
Choriyev ochib, tadbir ishtirokchilariga, jumladan, nazorat ostidagi shaxslarga
hozirgi kunda o‘tkazilayotgan "Probatsiya oyligi", "Xamkor"
maxsus profilaktik tadbiri davomida amalga oshirilgan ishlar haqida batafsil
ma’lumot berdi.
Shuningdek, nazorat ostidagi shaxslarni sud hukmi bilan
tayinlangan jazolarni qonunchilikda belgilangan tartibda o‘tashlari lozimligi,
aks holda, jazolarni o‘tash tartibi va
shartlarini buzgan taqdirda tayinlangan jazo og‘ir turdagi jazoga
almashtirilishi haqida ogohlantirdi.
Yig‘ilishda tuman hokimi, imom-xatib va boshqa mas’ullar
so‘zga chiqib, hozirgi kunda o‘tkazilayotgan islohotlar, amalga oshirilayotgan
keng ko‘lamli o‘zgarishlarga to‘xtaldi hamda nazorat ostidagi shaxslarni
jinoyat sodir qilmaslik, qonunchilikni buzmaslikka chaqirib, belgilangan tartib-qoidalarga amal qilish o‘z
fikr-mulohazalarni bildirdilar.
Tadbir yakunida "Ishga marhamat" mehnat
yarmarkasi o‘tkazilib, 2 nafar nazorat ostidagi shaxslarga yo‘llanmalar
berildi.
