Prezident Administratsiyasi topshirig‘i asosida Respublika ishchi guruhi viloyat mas’ullari bilan Koson tumanida ommaviy sayyor qabul o‘tkazdi
Koson tumanida bo‘lib o‘tgan ommaviy sayyor qabulda Prezident Xalq qabulxonasi vakillari, Ichki ishlar vazirligi, Bosh prokuratura, Oliy sud, vazirliklar va idoralar, banklar mas’ullari, viloyat sektorlar rahbarlari, viloyatdagi korxona va tashkilotlar rahbarlari hamda ishtirok etishdi.
Kasbi, Muborak, Ko‘kdala va Koson tumani
fuqarolari ishtirok etgan qabulda viloyat ichki ishlar boshqarmasi boshlig‘i
o‘rinbosari, podpolkovnik Talat Mamatqulov bir guruh fuqarolarning ichki ishlar
organlarining tergov, tezkor qidiruv va profilaktika xizmati xodimlari olib
borilayotgan surishtiruv va tergov harakatlari va ID-kartalar olishga oid
muammolarini tingladi.
Qabulda 21 nafar fuqarolarning murojaatlari
tinglandi. Shundan 6 ta muammolar joyida hal etildi. Ba’zi murojaatchilarga
huquqiy tushuntirish berilib, o‘rganish uchun vaqt va mablag‘ talab etadigan 15
ta murojaatlar nazoratga olindi.
Jarayonda O‘zbekiston Respublikasi fuqaroligi
olgan shaxsga va ilk pasport olish yoshiga yetgan yoshlarga ID-kartalari
tantanali ravishda topshirildi.
Bu boradagi ishlar davom ettirilmoqda.
