Qashqadaryo viloyati ichki ishlar boshqqarmsida xodimlarning jismoniy va jangovar tayyorgarligini oshirish borasida bir qator sport musobaqalari uyushtirilmoqda. Jumladan, yaqinda boshqarma tarkibiy bo‘limlari va sohaviy xizmatlari hamda shahar-tuman ichki ishlar bo‘limlari xodim va xodimalari o‘rtasida sportning stol tennis turi bo‘yicha musobaqasi bo‘ldi.

Qizg‘in va murosasiz kechgan musobaqaning xodimlar o‘rtasidagi bahslarida 1-o‘rinni Dehqonobod tuman ichki ishlar bo‘limi profilaktika inspektori, leytenant Suxrob Bobomurodov qo‘lga kiritdi. Navbatdagi sovrinli o‘rinlarni viloyat ichki ishlar boshqarmasi  Moliyaviy ta’minot xizmati hisobchisi, safdor Azizbek A’zamov va G‘uzor tuman ichki ishlar bo‘limi profilaktika inspektori, leytenant  Ma’murjon Bo‘ronov band etishdi.

Epchillar va chaqqonlar musobaqasining xotin-qizlar o‘rtasidagi tennis o‘yinlarida Qarshi shahar ichki ishlar organlari faoliyatini muvofiqlashtirish boshqarmasi  katta inspektori, podpolkovnik Adolat Begimova barcha raqiblaridan ustunligini namoyish etib, g‘oliblik shohsupasidan joy oldi. Viloyat ichki ishlar boshqarmasi voyaga yetmaganlarga ijtimoiy huquqiy yordam ko‘rsatish markazi boshlig‘i, mayor Gulmira Turdiboeva 2-o‘rinni, Qarshi shahar ichki ishlar organlari faoliyatini muvofiqlashtirish boshqarmasi  katta inspektori, leytenant Nargiza Maqsadova 3-o‘rinni qo‘lga kiritdi.

G‘oliblar boshqarma rahbariyatining diplomi va qimmatbaho sovg‘alari bilan taqdirlandi.