“Payshanba - huquqbuzarliklar profilaktikasi kuni”
“Payshanba - huquqbuzarliklar
profilaktikasi kuni” munosabati bilan Kitob tumanida tungi xizmatga jalb
etilgan ichki ishlar organlari sohaviy xizmatlari, Milliy gvardiya, va boshqa
huquq-tartibot idoralari a’zolariga bo‘lim boshlig‘i podpolkovnik Ikrom
Tog‘ayev Yo‘riqnoma o‘tkazdi.
Tungi xizmatga jalb qilingan
xodimlarga huquqbuzarliklar va
jinoyatlarni barvaqt aniqlab oldini
olish, xizmat samaradorligini oshirish hamda tungi vaqtlarda fuqarolarning
jamoat joyi hamda turli ko‘ngilochar maskanlarda maqsadsiz yurishlarini
bartaraf etishga oid topshiriq va ko‘rsatmalar berildi.
Xizmat davomida ichki ishlar
organlari xodimlari qonunbuzarliklarni oldini olish, jinoyatlarini fosh etish
maqsadida Kitob tuman markazida joylashgan bir qator kompyuter o‘yinlari xonasi
va kalyanxonalarda tungi reydlar o‘tkazdi.
Reyd tadbiri davomida ota-ona
yoki ularni o‘rnini bosuvchi shaxslarsiz voyaga yetmaganlar kompyuter
o‘yinxonalariga qo‘ymaslik bo‘yicha mas’ullar bilan profilaktik suhbatlar olib
borildi.
Shuningdek, tadbir davomida
xatti-harakati shubha uyg‘otgan fuqarolar hududiy huquq-tartibot maskaniga olib
kelinib, shaxsiga aniqlik kiritilib, profilaktik suhbatlar o‘tkazildi.
Jarayonda
tungi reydda qoidabuzarlik sodir etgan avtomashinalar haydovchilariga tegishli
choralar ko‘rildi.
