Qashqadaryo viloyati ichki ishlar boshqarmasi jamoat xavfsizligi xizmati jamoat tartibini saqlash boshqarmasi patrul-post xizmati batalyoni shaxsiy tarkib o‘rtasida xizmat intizomi va qonunchilikni mustahkamlash, xodimlar o‘rtasida turli favqulodda holatlarni oldini olish va ro‘y bergan salbiy holatlarning  muhokamasiga bag‘ishlangan yig‘ilish bo‘lib o‘tdi. Unda viloyat ichki ishlar boshqarmasi rahbariyati, Ichki ishlar boshqarmsi Shaxsiy xavfsizlik bosh boshqarmsi Qashqadaryo viloyati bo‘yicha boshqarmasi mas’ul xodimi, batalyon rahbariyati va shaxsiy tarkibi, boshqarma faxriylar kengashi vakillari ishtirok etishdi.

Yig‘ilishda so‘z olganlar batalyon xodimlari tomonidan xizmat intizomi va qonunchilikka rioya etish, kodeks talablarini so‘zsiz bajarish, korrupsion jinoyatlarni oldini olish soha xodimlariga xalqning ishonchini ortishiga va ichki ishlar organlari imidjini oshirishga xizmat qilishini ta’kidlashdi.  

Sir emas keyingi vaqtlarda ichki ishlar organlari xodimlari tomonidan xizmat intizomi buzilishi, tamagirlik, korrupsion jinoyatlar, yo‘l-transport hodisasi sodir etish holatlar uchrayotganini tanqid ostiga oldi. Avtomashinani hujjatsiz boshqarmaslik, faoliyat jarayonida fuqarolar bilan xushmuomala bo‘lish, pirovardida xalq manfaatlariga xizmat qilishni ustuvor bilish bugungi kun talabi ekanligi uqtirildi.

Xizmat davomida xodimlar o‘rtasida korrupsiya va boshqa qonunbuzilishi holatlari xodimlar tomonidan yuqoridagi kabi salbiy holatlar yuz berganda ichki ishlar organlaridan bo‘shatish bilan cheklanib qolmasdan jinoiy javobgarlikka tortishgacha bo‘lgan choralar qo‘llanishi to‘g‘risida xodimlar rasman ogohlantirildi.

Bu kabi salbiy holatlarning oldini olishga qaratilgan tarbiyaviy-profilaktik ishlarni kuchaytirish lozimligini ta’kidladi.