Viloyat Ma’naviyat markazida ichki ishlar organlari shaxsiy tarkibi o‘rtasida xizmat intizomi va qonunchilikka rioya etilishini mustahkamlashga qaratilgan “Temir intizom va halollik – muvaffaqiyat kaliti” mavzusi yig‘ilish bo‘lib o‘tdi. Yig‘ilishda viloyat ichki ishlar boshqarmasi sohviy xizmatlari, shahar tuman ichki ishlar bo‘limlari boshlig‘ining ma’naviy-ma’rifiy ishlar bo‘yicha o‘rinbosarlari, xodimlar va ularning ota-onalari ishtirok etishdi.

Yig‘ilishni viloyat ichki ishlar boshqarmasi Ma’naviy-ma’rifiy ishlar va kadrlar bilan ta’minlash xizmati boshlig‘i o‘rinbosari podpolkovnik Shermuxammad Muslimov ochib, ichki ishlar organlari xodimi tartib-intizom va qonunchilikka og‘ishmay rioya etishi, Intizom ustavi va qoidalariga hamda formali kiyim-bosh kiyib yurish qoidalariga qat’iy amal qilish, shaxsiy tarkib o‘rtasida ichki tartib-intizom va kundalik idoraviy nazoratni kuchaytirish borasidagi ishlar samaradorligini yanada oshirish,  tizimda xizmat qilayotgan xodimlar o‘rtasida beparvolik muhitiga barham berish uchun o‘zini o‘zi profilaktika qilish tizimini yo‘lga qo‘yish, korrupsiyaga qarshi murosasiz bo‘lish lozimligini ta’kidladi.

Tadbirda so‘z olgan Ichki ishlar vazirligi Shaxsiy xavfsizlik bosh boshqarmasi Qashqadaryo viloyati bo‘yicha mas'ul xodimi xizmat jarayonida va xizmatdan tashqari paytlarda salbiy holatlarga yo‘l qo‘ymasligi, ichki ishlar organlari xodimlariga pora taklif qilish va va boshqa noqonuniy maqsadlarni ko‘zlagan shaxslarga nisbatan qonuniy choralar ko‘rish borasidagi ishlar ko‘lamini oshirish borasida tegishli tavsiya va takliflar berdi.

  Boshqarma Faxriylar kengashi raisi, iste’fodagi polkovnik Sodiq Islomov ichki ishlar organlarida ustoz-shogird an’anasi yo‘lga qo‘yilganini, faxriylar yoshlarga kasb sirlarini o‘rgatishda bosh-qosh bo‘lib, samarali yordam berishmoqda, - dedi. Ular yosh xodimlar bilan uchrashuvlar o‘tkazib, Vatanga muhabbat, kasbga sadoqat, ustozlarga hurmat, kabi tushunchalarni yoshlar ongiga singdirayotganini bildirdi.

Yakunda korrupsion jinoyatni oldini olishga qo‘shgan hissasi uchun bir guruh xodimlar va ularning ota-onalari boshqarma rahbariyatining minnatdorchilik xatlari bilan taqdirlandi.