Mamlakatimizda “Qoradori-2024” tezkor profilaktik tadbiri davom etmoqda. Tadbir boshlangandan buyon Qashqadaryo viloyati ichki ishlar organlari xodimlari huquqbuzarliklar va jinoyatlarning turli ko‘rinishlariga, giyohvand moddalar bilan noqonuniy muomala qilishga barham berish maqsadida bir qator ishlarni amalga oshirishdi.

Joriy yilning shu kuniga qadar  viloyat  ichki ishlar boshqarmasi tezkor xizmat xodimlari tomonidan 203 ta holatda og‘ufurushlardan jami 37 kilogramga yaqin giyohvand moddalar olib qo‘yildi. 

Shu yilning 9 iyun kuni ichki ishlar organlari xodimlari tomonidan o‘tkazilgan tezkor tadbirda yana bir oufurushning kirdikorlariga chek qo‘yildi. Surxondaryo viloyatining Denov tumanda yashovchi fuqaro Meliyev  Qamashi tumani, “Chim” mahallasi hududida to‘xtatilib, shaxsiy tintuv qilinganida, yonidan jami 200 gramm giyohvandlik vositasi topildi.

Bundan tashqari, Qamashi tumani IIB xodimlari tomonidan o‘tkazilgan tadbirda tumanni “Qiziltepa” mahallasida yashovchi  fuqaro Tursunovning hovlisida  11  tup, “Qo‘shkapa” mahallasida yashovchi Xolmirzayening xonadonidan  30 tup “ko‘knor”, “Mayda” mahalalsida yashovchi Nematovning xonadonidan 35 tup “kannabis” giyohvandlik o‘simligini parvarishlab kelayotgani aniqlanib, tegishli tartibda protsessual rasmiylashtirib olingan.

Har to‘rtala holat yuzasidan jinoyat ishi qo‘zg‘atildi.

Tadbir jarayonida aniqlangan giyohvandlik bilan bog‘liq jinoyatlar tahlilidan kelib chiqib joylarda profilaktik suhbatlar olib borilmoqda.

Uchrashuvlarda har bir fuqaro o‘z mahallasining osoyishtaligi uchun kurashishi, qonunbuzarlikning oldini olishda ko‘maklashishi sodir etilishi mumkin bo‘lgan barcha ko‘rinishdagi jinoyatlarning oldini olishda qo‘l kelishi uqtirilmoqda.