Hozirgi kunda viloyat hududida 122 ta joylashtirish vositalari va davolash muassasalari faoliyat ko‘rsatib kelmoqda. Ushbu joylashtirish vositalari va davolash muassasalari tadbir davomida muvofiqlik sertifikati mavjudligi, ularning amal qilish muddati, “YE-mehmon” tizimi o‘rnatilganligi va uni ishchi holatda ekanligi hamda tashrif buyurgan mehmonlar o‘z vaqtida dasturga kiritilayotganligiga haqida ma’lumotlar viloyat IIB Migratsiya va fuqarolikni rasmiylashtirish boshqarmasi va boshqa huquqni muhofaza qiluvchi olrganlarning mas’ul xodimlari bilan hamkorlikda o‘rganib chiqildi.

O‘rganishlar davomida viloyat IIB Migratsiya va fuqarolikni rasmiylashtirish boshqarmasi hamda Shahrisabz shahar IIB Migratsiya va fuqarolikni rasmiylashtirish bo‘linmasi xodimlari tomonidan hamkorlikda joriy yil 2 may kuni Shahrisabz shahrida o‘tkazilgan tadbirda mehmonxonalar mas’ul xodimlari tomonidan 5 nafar fuqarolarini o‘z vaqtida “YE-mehmon” dasturi orqali vaqtincha ro‘yxatdan o‘tkazmaganligi aniqlandi.

Natijada, Shahrisabz shahrida joylashgan mehmonxonalar rahbarlari M.Z. N.F larga nisbatan O‘zbekiston Respublikasi Ma’muriy javobgarlik to‘g‘risidagi Kodeksning 223-moddasi 3-qismiga ko‘ra ma’muriy bayonnoma rasmiylashtirilib, ularning har biriga bazaviy hisoblash miqdorining 5 baravari, ya’ni 1 700 000 (bir million etti yuz ming) so‘m miqdorida jarima qo‘llanildi.

Bu boradagi ishlar davom ettirilmoqda.