Qonun barchaga barobar
“Xavfsiz hudud va mulkiy turdagi jinoyatlar profilaktikasi
oyligi” maxsus profilaktik tadbiri doirasida vohada hujjat tartiboti ijrosi
viloyat IIB va Qarshi shahar IIOFMB M va FRB xodimlari tomonidan belgilangan
tartibda o‘rganildi.
Tadbir davomida, joylashtirish vositalari va davolash
muassasalarini muvofiqlik sertifikati mavjudligi, ularning amal qilish muddati,
“YE-mehmon” dasturi o‘rnatilganligi va uni ishchi holatda ekanligi hamda
tashrif buyurgan mehmonlar haqida ma’lumotlar mas’ul xodimlar tomonidan o‘z
vaqtida dasturga kiritilayotganligiga alohida e’tibor qaratildi.
Joriy yil 15 avgust kuni o‘tkazilgan tadbirda Qarshi
shahrida joylashgan “Status” mehmonxonasi mas’ul xodimlari tomonidan Turkiya
Respublikasi fuqarosi U.M.ni shu yil 8 avgust kunidan 12 avgust kuniga qadar
“YE-mehmon” dasturi orqali vaqtincha ro‘yxatga qo‘ymaganligi aniqlandi.
Natijada, mehmonxona rahbariga nisbatan O‘zbekiston
Respublikasi MJtKning 225-moddasi 4-qismi bilan ma’muriy bayonnoma
rasmiylashtirilib, bazaviy hisoblash miqdorining
20 baravari miqdorida jarima jazosi qo‘llandi.
