Olis Dehqonobodda sayyor qabul
Qashqadaryo viloyat huquqni muhofaza qiluvchi organlar
rahbarlari janubiy hudud - markazdan qariyb yuz kilometr masofada
joylashgan Dehqonobod tumanidagi Abu Ali
ibn Sino nomli Jamoat salomatligi texnikumida ommaviy sayyor qabul o‘tkazishdi.
Unda viloyat ichki ishlar boshqarmasi boshlig‘i, 3-sektor rahbari polkovnik
Abduvohid Ismoilov sayyor qabulda o‘ndan ortiq fuqarolarning turli masalalarga
oid murojaatlarini qabul qildi.
Ichki ishlar organlari xodimlari olib borayotgan surishtiruv
va tergov harakatlari hamda sohada ish joyini o‘zgartirish bilan bog‘liq
masalalar atroflicha o‘rganildi.
Ommaviy
qabulda tushgan murojaatlarning 4 tasi joyida hal etildi. Ayrim fuqarolarga
huquqiy tushuntirish berildi.
Tumanning
Xo‘jamaxmud mahallasida yashovchi Norqobil Safarov yaqinda noma’lum shaxslar
tomonidan o‘g‘irlab ketilgan 6 bosh chorva mollarini ichki ishlar bo‘limi
xodimlari topib bergani uchun o‘z minnatdorchiligini bildirdi.
Jumladan,
qabulda pasport olish yoshiga yetgan 3 nafar dehqonobodlik yoshlarga fuqarolik
ID-kartalari tantanali ravishda topshirildi.
Mablag‘ va
vaqt talab etadigan 5 ta murojaatlar mas’ullarga ijro uchun berilib, hal etish
vazifasi yuklatildi.
Bu boradagi ishlar davom ettirilmoqda.
