G‘oliblar taqdirlandi
Qarshi
shahridagi Olimpiya va paralimpiya zahiralari ixtisoslashgan maktabida ichki
ishlar organlari xodimlari o‘rtasida sportning
yengil atletika turi bo‘yicha Qashqadaryo viloyat ichki ishlar
boshqarmasi birinchiligi musobaqalari bo‘lib o‘tdi. Unda boshqarma tarkibiy va
hududiy bo‘linlarida xizmat olib borayotgan xodimlar uzunlikka sakrash, 100
hamda 5000 metr masofaga yugurish bahslarida o‘zaro bellashdilar.
Viloyat
ichki ishlar boshqarmasi xodimlarining xizmat, jangovar, jismoniy
tayyorgarligini oshirish hamda kasbiy tayyorgarlik darajasini yanada
mustahkamlash maqsadida o‘tkazilgan musobaqa qizg‘in va murosasiz bahslarga boy
bo‘ldi.
Musobaqa
natijalariga ko‘ra Yakkabog‘ tuman ichki ishlar bo‘limi JXX HPB profilaktika
inspektori, katta serjant Shaxzod Xolmurodov g‘olib bo‘ldi. Navbatdagi sovrinli
o‘rinlarni Yakkabog‘ tuman ichki ishlar bo‘limi JXX HPB profilaktika
inspektori, kapitan Akbar Abdinazarov va Mirishkor tuman ichki ishlar bo‘limi
JXX HPB profilaktika inspektori, leytenant
Asqarali Choriyev qo‘lga kiritishdi.
G‘oliblar
diplom, medal va qimmatbaho sovg‘alar bilan taqdirlandi.
