Ochiq sayyor sud majlisi
Kitob tumani Madaniyat saroyida ochiq sayyor
sud majlisi bo‘lib o‘tdi. Unda jinoyat ishlari bo‘yicha Kitob tumani sudi raisi
Azimjon Akbarov, vakolatli organlar xodimlari hamda keng jamoatchilik vakillari
va yoshlar ishtirok etdi. Shu kuni bo‘lib o‘tgan sud majlisida 3 nafar
shaxslarga nisbatan jinoyat ishi hamda 5 nafar shaxslarga oid 3 ta ma’muriy sud
ishlari ko‘rib chiqildi hamda har bir holat bo‘yicha qonunda ko‘rsatilgan
tartibda jazo choralari tayinlandi.
Ma’lumot o‘rnida, mazkur sud majlisida yoshlarni
ham ishtirokini ta’minlashdan ko‘zlangan maqsad - ular tarbiyasi har bir
davrning o‘ta dolzarb masalasi bo‘lib kelganini anglagan holda
huquqbuzarliklarni oldini olish, sodir etilishi mumkin bo‘lgan qonunga xilof
qilmish uchun jazo muqarrarligi, har bir jinoyat jazosiz qolmasligini yosh
avlodga yetkazish, ularni qonunga hurmat va unga rioya etish ruhida
tarbiyalashdan iboratligi aytib o‘tildi.
