“Ochiq eshiklar kuni” doirasida tadbir tashkil etdi
Qashqadaryo
viloyati ichki ishlar boshqarmasi boshlig‘ining 1-o‘rinbosari polkovnik
Baxtiyor Rajapov o‘ziga biriktirilgan Qarshi shahar “Aralovul” mahallasidagi
31-maktabning yuqori sinf o‘quvchilarining harbiy xizmat va majburiyatga
bo‘lgan qiziqishini oshirish, Vatanparvarlik xislatlarini shakllantirish
maqsadida Qarshi shahridagi harbiy qismga “Ochiq eshiklar kuni” doirasida
tadbir tashkil etdi.
Harbiy
qismda yoshlar dastlab o‘quv binosida askarlar uchun yaratilgan
shart-sharoitlarni ko‘zdan kechirdilar. So‘ngra, jangovar taktik o‘quv
sinflaridagi jihozlar, ma’naviyat va ma’rifat xonalaridagi ko‘rgazmali
qurollar, mamlakatimiz tarixi va jahonda muhim ahamiyatga ega mohir sarkarda va sohibqiron bobomiz Amir Temur buyuk
sohibqiron Amir Temur shaxsi, olib borgan harbiy yurishlarida qo‘llangan usul
va tadbirlar haqida ishtirokchilarga tushunchalar berildi.
“Ochiq
eshiklar kuni” tadbiri doirasida o‘quvchi yoshlar askarlar yotoqxonasida
bo‘lishdi. Shundan so‘ng, yopiq o‘q otish poligonida bo‘lib, merganlik
mahoratini sinovdan o‘tkazishdi.
Harbiy
qism saf maydonida o‘quvchi yoshlarga jangovar qurollarning taktik va texnik
xususiyatlari haqida ma’lumot berildi.
Yakunda
oshxonada bo‘lgan yoshlar harbiy xizmatchilarning kunlik ovqatlanish jarayoni
bilan tanishib,
bir
olam taassurot olib, bilimlarini boyitishdi.
Bu boradagi ishlar davom ettirilmoqda.
