“Eng yaxshi tezkor xodim”
Qashqadaryo viloyati ichki ishlar boshqarmasida “Eng yaxshi tezkor xodim” tanlovining viloyat bosqichi o‘tkazildi.
Tanlovda viloyat ichki ishlar boshqarmasi tezkor qidiruv xizmati va uning shahar-tuman ichki ishlar bo‘limlarida faoliyat ko‘rsatayotgan tezkor xodimlar o‘zaro g‘oliblik uchun bellashdilar.
Ko‘rik-tanlovda dastlab xodimlar to‘sinda tortilish 100 va 1000 metrga yugurish sinovlari topshirdi.
So‘ngra xodimlarning merganlik mahoratini sinovdan o‘tkazish maqsadida o‘q otish mashqi bo‘lib o‘tdi.
Merganlik sinovidan xodimlarning ruhiy holati va boshqa xislatlari o‘rganish maqsadida psixologik test sinovlari topshirishdi.
Musobaqada viloyat ichki ishlar boshqarmasi Tezkor-qidiruv xizmati jinoyat qidiruv boshqarmasi katta tezkor vakili kapitan Shaxzod Sharopov barcha raqiblaridan ustunligini namoyish etib, g‘oliblik shohsupasidan joy oldi.
Chiroqchi tumani ichki ishlar bo‘limi Tezkor qidiruv xizmati Terrorizmga qarshi kurashish guruhi tezkor vakili katta leytenant Esonxon Qurbonov 2-o‘rinni, viloyat ichki ishlar boshqarmasi tezkor-qidiruv xizmati tashkiliy-muvofiqlashtirish bo‘limi katta mutaxassisi mayor Nuraliyev Asror 3-o‘rinni band etdi.
Endi g‘oliblar ko‘rik-tanlovning respublika bosqichida viloyat sharafini himoya qiladi.
