“Eng yaxshi kitobxon”
Respublika Ma’naviyat va ma’rifat
markazi viloyat bo‘limida Qashqadaryo viloyati Ichki ishlar organlari yosh
xodimlari o‘rtasida “Eng yaxshi kitobxon” ko‘rik-tanlovi bo‘lib o‘tdi. Unda
viloyat ichki ishlar organlarining sohaviy xizmatlari va shahar-tuman ichki
ishlar bo‘limlari xodimlari ishtirok etishdi.
Ichki ishlar organlari yosh
xodimlarining bilimi va dunyoqarashini oshirish, o‘zbek hamda jahon badiiy
adabiyotiga bo‘lgan qiziqishini uyg‘otish intellektual salohiyatini oshirish
maqsadida o‘tkazilgan ko‘rik-tanlovda har bir soha xizmat, shahar-tuman ichki
ishlar bo‘limlaridan o‘ttizga yaqin yosh xodimlar ishtirok etdi.
Ko‘rik-tanlovda yosh xodimlar
“Buyuk matafakkir va adib” shartida o‘zbek va
jahon adabiyot namoyondalari haqidagi bilimlari, tavsiya etilgan
adabiyotlar bo‘yicha va tezkor savol-javoblari bo‘icha bilimlari sinovdan
o‘tkazildi.
Ko‘rik tanlov yakuniga ko‘ra,
1-o‘rinni Kasbi tuman IIB JXX HPB XQMB katta inspektori, kapitan Mashhura
Mirzayeva, 2-o‘rinni G‘uzor tuman IIB JXX HPB profilaktika inspektori,
leytenant Ramazon Ortiqov, 3-Shahrisabz shahar IIB JXX HPB profilaktika
inspektori, kapitan Bobir Nosirov qo‘lga kiritdi.
Tanlov g‘oliblari diplom va pul mukofotlari hamda
kitoblar to‘plami bilan taqdirlandi.
