Qashqadaryo viloyati IIBda Navroʼzi olam bayrami munosabati bilan bayram tadbiri tboʼlib oʼtdi. Unda boshqarma sohaviy xizmatlari shaxsiy tarkibi, faxriylar, boquvchisini yoʼqotganlar, xizmat burchini bajarish chogʼida vafot etgan ichki ishlar organlarining mard oʼgʼlonlari oila aʼzolari ishtirok etishdi.
Tadbirni bviloyat IIB boshligʼi polkovnik Shuhratjon Satvoldiev ochib, Navroʼz bayrami munosabati bilan Ichki ishlar vazirining soha xodimlariga yoʼllagan bayram tabrigini oʼqib eshittirdi.
Soʼngra, Ichki ishlar organlaridagi koʼp yillik fidokorona xizmatlari, mamlakatimizda tinchlik va osoyishtalikni taʼminlash, jinoyatchilikka qarshi kurashish va uni oldini olish ishlariga qoʼshgan munosib hissalari hamda 21 mart – “Navroʼz” umumxalq bayrami munosabati bilan Oʼzbekiston Respublikasi IIVning buyrugʼiga koʼra mukofotlangan xodimlarga «Аʼlo xizmatlari uchun», I-II-III darajali «Ichki ishlar organlarida benuqson xizmatlari uchun» koʼkrak nishonlari, «Faxriy yorliq», esdalik qoʼl soati va pul mukofotlari tantanali ravishda topshirildi.
Bundan tashqari, 2022-yilning 10-13-mart kunlari “Qoʼl jangi” sport turi boʼyicha Fargʼona shahrida oʼtkazilgan “Oʼzbekiston kubogi” musoboqalarida ayollar oʼrtasida 64 kg vazn toifasida oʼtkazilgan musobaqada faxrli birinchi oʼrinni egallaganligi uchun Qarshi shahar Ichki ishlar organlari faoliyatini muvofiqlashtirish boshqarmasi 2-son ichki ishlar boʼlimi profilaktika inspektorining jamoat tartibini saqlash boʼyicha yordamchisi Oʼgʼiloy Jumanova Qashqadaryo viloyati IIB boshligʼining qimmatbaho sovgʼasi bilan taqdirlandi.
Shuningdek, muqaddam sodir etgan jinoyati uchun javobgarlikdan qochib, qidiruvda boʼlgan shaxsni ushlanishida jonbozlik koʼrsatib, xizmat vazifasini bajarishda vijdonan va sidqidildan yondoshganligi uchun Qarshi shahar Ichki ishlar organlari faoliyatini muvofiqlashtirish boshqarmasi 2-son ichki ishlar boʼlimi profilaktika inspektorining jamoat tartibini saqlash boʼyicha yordamchisi Mexriddin Bozorov boshqarma boshligʼining pul mukofoti bilan taqdirlandi.