Murojaatlar joyida yechim topdi
Fuqarolar bilan bevosita va ochiq muloqot
qilish orqali muammolarini aniqlash hamda yechim topish maqsadida Qashqadaryo
viloyati sektorlar rahbarlari, korxona va tashkilotlar mas’ullari bilan
Mirishkor tumanida sayyor qabul o‘tkazdi.
Unda Qashqadaryo viloyati IIB boshlig‘i
o‘rinbosari, polkovnik Aziz Allanazarov fuqarolarning ichki ishlar organlariga
ishga kirish, tergov va YHXB xodimlarining surishtiruv harakatlariga oid 10 ta
murojaatlarini qabul qildi.
Ommaviy sayyor qabulda murojaatlarning 4 tasi
joyida ijobiy hal qilingan bo‘lsa, tekshirish uchun vaqt talab etiladiganlari
alohida nazoratga olinib, mas’ullarga biriktirildi.
Ko‘lami keng qabulda Mirishkor tumanidagi
“Mirobod” mahallasida fuqaroligi bo‘lmagan shaxs sifatida yashab kelgan
Gulbaxor Raxmanova va O‘zbekiston mahallasida yashovchi Abduvalijon Berdiyev
O‘zbekiston Respublikasi fuqaroligiga tan olingani munosabati bilan ularga
fuqarolik ID-kartalari tantanali ravishda topshirildi.
Viloyat IIBning mas’ul xodimlari tomonidan
joylarda jismoniy va yuridik shaxslarning murojaatlarini qabul qilish borasida
sayyor qabullar davom ettirilmoqda.
