Muborakda 2024 yil g‘alla hosili o‘rim-yig‘imi mavsumida ishtirok etadigan kombaynlarni ta’mirlash va sertifikat asosida qabul qilinishini tashkil etish bo‘yicha seminar bo‘lib o‘tdi
Unda viloyat IIB boshlig‘i Abduvohid Ismoilov,
tuman hokimi Muxtor Xayitmuradov boshchiligidagi barcha sektor rahbarlari,
qishloq xo‘jaligi vakillari va tegishli tashkilot rahbarlari ishtirok etdi.
Muborakda joriy yil hosili uchun 292 ta fermer
xo‘jaligi tomonidan 9 ming gektardan ko‘prok maydonda don ekilgan. G‘alla
hosilini o‘rib olish uchun jami 22 dona g‘alla o‘rish kombaynini jalb etish
rejalashtirilgan.
G‘alla o‘rim-yig‘im mavsumini o‘z muddatida va
sifatli o‘tkazish maqsadida tumanda 11 ta o‘rim otryadi tashkil etilgan. Har
bir otryadga 2 ta kombayn, g‘allani tashish uchun 13 dona yuk tashish
avtomobili ajratilgan bo‘lib, ko‘chma ta’mirlash ustaxonasi va yoqilg‘i tashish
vositalari ham biriktirilgan.
Seminarda bajarilishi lozim bo‘lgan masalalar
belgilab olinib, kombayn operatorlariga pul mablag‘i va oziq-ovqat mahsulotlari
topshirildi.
