Joylarda fuqarolar bilan yuzma-yuz muloqot qilish, ko‘p yillardan buyon yechimini kutib turgan muammolarini o‘rganish va hal etish bugungi kun talabi. Bu borada Qashqadaryo viloyati 3-sektor rahbariyati tomonidan bir qator ishlar amalga oshirib kelinmoqda.

Jumladan, Qashqadaryo viloyati IIB boshlig‘ining o‘rinbosari podpolkovnik Isroil Ximmatov Qamashi tumani “Nuroniylar maskani”da sektor rahbarlari ishtirokida sayyor qabul o‘tkazdi. 

Sayyor qabulda fuqarolarning 34 ta m murojaatlari qabul qilindi. Murojaatlar asosini kommunal sohadagi elektr energiyasi ta’minoti, suyultirilgan gaz, yo‘llarni asfaltlashtirish, davolanish uchun tibbiy yo‘llanma olish, o‘zini o‘zi band etish uchun ish qurollari va moddiy yordam masalalaridan iborat bo‘ldi.

Qabul qilingan murojaatlardan 8 tasi ijobiy hal qilingan bo‘lsa, o‘rganish uchun vaqt talab etadigan 24  murojaatlar ish yurituvga olinib, mas’ullarga biriktirildi. 2 nafar fuqaroga huquqiy tushuntirish berilib, ayrim fuqarolarning sektor rahbariyatiga minnatdorchiligi ham ma’lumot uchun qabul qilindi. 

Bu boradagi ishlar davom ettirilmoqda.