Mohir suzuvchilar taqdirlandi
Qarshi shahrida IIV “Dinamo” jismoniy
tarbiya-sport jamiyati Qashqadaryo viloyati kengashining taqvimiy rejasiga
asosan voha huquqni muhofaza qiluvchi organlar shaxsiy tarkibining jangovar
shayligini oshirish, jismoniy tayyorgarligini mustahkamlash maqsadida doimiy
ravishda sport musobaqalari o‘tkazib kelinmoqda. Bu gal sportning suzish turi
bo‘yicha Kengash birinchiligi musobaqasi o‘tkazildi.
Ishtirokchilar 100 metrga erkin yakkalik va
jamoa bilan 4x100 usulda suzish bo‘yicha o‘zaro bellashdilar.
Musobaqaning
100 metrga erkin usulda suzish bahslarda 1-o‘rinni DXX Qashqadaryo viloyati bo‘yicha boshqarmasi
jamoasi vakili Farxod Rustamov, 2-o‘rinni
55159-harbiy qismi jamoasi vakili, kapitan Xamid Latipov va 3-o‘rinni
Qashqadaryo viloyati IIB jamoasi vakili,
leytenant Umrzoq Sagdiyev qo‘lga kiritdi.
Qizg‘in va murosasiz o‘tgan musobaqaning 4x100
metrga erkin usulda estafeta suzish turi bo‘yicha 55159-harbiy qismi jamoasi g‘olibliblikni qo‘lga kiritdi.
Navbatdagi sovrinli o‘rinlarni DXX Qashqadaryo viloyati bo‘yicha boshqarmasi va
Qashqadaryo viloyati IIB jamoasi suzuvchilari band etishdi.
G‘oliblar Kengashning medali va qimmatbaho
sovg‘alari bilan taqdirlandi.
