Mehnat yarmarkasi
Muborak tuman ichki ishlar bo‘limi JXX
Probatsiya guruhi hisobida bo‘lgan nazoratdagi shaxslar uchun bo‘sh ish
o‘rinlari yarmarkasi tashkil etildi. Unda viloyat IIB JXX Probatsiya bo‘limi
boshlig‘i, podpolkovnik S.Sharopov so‘zga chiqib, “Yoshlar va biznesni qo‘llab-quvvatlash
yili”da tadbirkorlik, me’morchilik, hunarmandchilik kabi yo‘nalishlardagi aniq
loyihalar bilan murojaat qilishlari yuzasidan ishtirokchilarga tushunchalar
berdi.
Tuman IIB boshlig‘i podpolkovnik F.Toyloqov va
tuman prokurorining birinchi o‘rinbosari S.Rajabovlar O‘zbekiston Respublikasi
Prezidentining 2022 yil 29 iyun kunidagi “Ozodlikdan mahrum etish jazosini
o‘tab bo‘lgan fuqarolarning ijtimoiy moslashuviga ko‘maklashish tizimini
takomillashtirish chora-tadbirlari to‘g‘risida”gi qarorining mazmun-mohiyati
to‘liq tushuntirib, nazorat ostidagi shaxslarga jazo o‘tashi davomida qayta
jinoyat sodir etmasliklari va sud tomonidan
qo‘yilgan cheklovlarga qat’iy amal qilishlari bo‘yicha tegishli
tavsiyalar berdi.
Shunday so‘ng bo‘sh ish o‘rinlari bo‘yicha
Mehnat yarmarkasi tashkil qilinib, unda 2 nafar nazoratdagi shaxslarga ishga
joylashishlar bo‘yicha tashkilotlarga yo‘llanmalar berildi.
