Mehr ulashaylik...
Qashqadaryo viloyati IIB PPX va JTSB PPX bataloni xodimlari tomonidan Qarshi shahridagi mahallarida yashovchi aholini tinchlik va osoyishtaligini taʼminlash, fuqarolarning huquq va manfaatlarini ximoya qilish, ijtimoiy yordam koʼrsatish borasida bir qator ijobiy ishlar amalga oshirib kelinmoqda.
Jumladan, Qarshi shahar Rovoq mahallasida yashovchi fuqarolarning muammolarini oʼrganish maqsadida “Mahallabay” , “Fuqarobay” chora-tadbirlari amalga oshirilmoqda. Oʼrganishlar davomida shu mahallada yashovchi, voyaga yetmagan fuqaro А.Safarov bilan suhbatlashilib, uning oilaviy sharoiti oʼrganilganda А.Safarovning ota va onasi yoshligida vafot etganligi, mahalla fuqarolar yigʼini tomonidan “Yoshlar daftari”ga kiritilganligi hozirgi kunda xolasi G.Toʼxtaevaning qaramogʼida tarbiya topib kelayotganligi maʼlum boʼldi.
Mazkur fuqaroga mehr va muruvvat koʼrsatish maqsadida Qashqadaryo viloyati IIB PPX va JTSB PPX bataloni komandirining oʼrinbosari podpolkovnik O.Xurramov tomonidan А.Safarovning ID-kartasi uchun davlat boji toʼlanib, shu kunning oʼzida fuqaroga shaxsini tasdiqlovchi xujjati taqdim etildi.
