Qashqadaryo viloyati ichki ishlar boshqarmasi Ekspert kriminalistika markazi xodimlari Ichki ishlar vazirligi Qashqadaryo akademik litseyida “Kriminalistika fanining predmeti, tizimi va vazifalari”, “Kriminalistikaning uslubi”, “Jinoyatchilikka qarshi kurashishda kriminalistikaning metodlaridan foydalanish” mavzularida amaliy o‘quv mashg‘uloti o‘tkazishdi.

Ishtirokchilarga hodisa sodir bo‘lganda voqea joyiga yetib borish va uni urab olish, ashyoviy-dalillarni olish hamda ularning tadqiqotgacha saqlash lozimligi va bu o‘z o‘rnida jinoyatlarni fosh etishdagi muhim ahamiyat kasb etishi haqida batafsil tushuntirishlar berildi.

Ichki ishlar organlari tizimidagi o‘quv muassasalarida tahsil olayotgan o‘quvchilarning bilim va mahoratini oshirish, kasbga bo‘lgan sadoqatini yuksaltirish maqsadida tez-tez o‘quv mashg‘ulotlari, sohaga oid ko‘rgazmali chiqishlar o‘tkazib borilmoqda. Belgilangan reja asosida o‘tkazilgan navbatdagi mazkur amaliy o‘quv mashg‘uloti o‘quvchilarning sohaga oid bilimlarini mustahkamlashga xizmat qiladi.

O‘quv mashg‘ulotida o‘quvchilar mavzuga oid o‘zlarini qiziqtirgan savollarga batafsil javob olishdi.

Yakunda ishtirokchilar Boshqarma Ekspert-kriminalistika markazi Kriminalistik laboratoriyasi avtomashinasidagi zamonaviy texnologiya va asbob-uskunalar bilan yaqindan tanishdilar.