Kursantlar amaliyotga kirishdilar
Qarshi shahar IIO FMBda IIV Akademiyasi 1-
2-o‘quv kursi kursantlari bilan ish o‘rganish amaliyotiga bag‘ishlangan
yig‘ilish bo‘lib o‘tdi. Unda IIV SHXBB Qashqadaryo viloyati bo‘yicha
boshqarmasi, vazirlik Akademiyasi o‘qituvchisi, 1-2-bosqich kursantlari,
boshqarma MMI va KBTX, Qarshi shahar IIOFMB rahbariyati, IIB xodimlari hamda
ota-onalar ishtirok etishdi.
Tadbirda IIV SHXBB Qashqadaryo viloyati
bo‘yicha boshqarmasi boshlig‘i, podpolkovnik Temur Bayjanov so‘zga chiqib,
amaliyot oldidan kursantlar va ularning ota-onalari bilan uchrashuv o‘tkazilib,
ularga xizmat intizomi, kasb-odobi va qonunchilik talablariga rioya etishlari
bo‘yicha bir qator yo‘riqnomalar berdi.
Kursantlar “Ish o‘rganuvchi” sifatida
shahar-tuman IIBlarida Tergov, Jinoyat-qidiruv, Jinoyatlarning oldini olish,
Ekspert-kriminalistika, Kiberxavfsizlik yo‘nalishlari bo‘yicha ichki ishlar
organlarida uzoq yillar davomida samarali xizmat qilib kelayotgan ustoz
xodimlar murabbiylardan bilim va malakalarini boyitib, kasbga ko‘nikma hosil
qilishadi.
Kursantlar amaliyot davomida biriktirilgan
shahar va tuman ichki ishlar organlarida xizmat qilayotgan malakali xodimlari
murabbiyligida nazariy bilimlarini amaliyotga tabiq etib, zaruriy ko‘nikmalarni
o‘rganishadi.
Yakunda a’lochi kursantlarning ota-onalariga IIV
Akademiyasi rahbariyatining “Tashakkurnoma”lari topshirildi.
