KRIMINOGEN VAZIYAT TAHLIL ETILDI
Qashqadaryo viloyati IIB boshlig‘i polkovnik Abduvoxid
Ismoilov huzurida Shahrisabz tumanida el osoyishtaligini ta’minlash, jamoat
tartibini saqlash, kriminogen vaziyat barqarorligiga erishish, huquqbuzarliklar
va jinoyatlarni oldini olish, sodir etilganlarini fosh etishga bag‘ishlangan
yig‘ilish bo‘lib o‘tdi. Unda
tumanga viloyat IIBdan biriktirilgan mas’ullar, bo‘lim rahbariyati ishtirok
etdi. Yig‘ilishda boshqarma boshlig‘i
joriy yilning o‘tgan davrida tumanda fuqarolar xavfsizligini ta’minlash,
jinoyatchilikka qarshi kurashish va uning oldini olish, sodir etilgan
jinoyatlarni “issiq izlar”da fosh etish, jamoat tartibini saqlash borasida
ichki ishlar organlari xodimlari tomonidan amalga oshirilgan ishlarni
tanqidiy-tahlil etdi.
Huquqbuzarliklar, jinoyatlarni erta aniqlab
oldini olish va ro‘y berganlarini fosh etish, qonunbuzarliklarga barham berish,
jamoat va fuqarolar xavfsizligini ta’minlashda tuman IIB tezkor va sohaviy
xizmatlar xodimlarining boshqa huquqni muhofaza qiluvchi idoralar hamda keng
jamoatchilik bilan o‘zaro hamkorlikdagi faoliyatini yanada kuchaytirish
lozimligi ishtirokchilarga tushuntirildi.
Tahliliy va tanqidiy ruhdagi yig‘ilishda
kelgusida amalga oshirilishi lozim bo‘lgan chora-tadbirlar rejasi belgilab olindi.
