Qashqadaryo viloyat hududida noqonuniy pirotexnika vositalarini olib kirilishi, sotilishi va savdosiga chek qo‘yish yuzasidan o‘tkazilgan tezkor-profilaktik tadbirlar natijasida bir nechta holatlar aniqlandi. Jumladan, Kitob tumani IIB xodimlari tomonidan hamkorlikda o‘tkazilgan tezkor tadbirda, Kitob tumanida yashovchi  fuqaro xonadonidan taxminiy qiymati 40.000.000 so‘mlik, 56 dona “A2-7” nomli salyutlar va 144 blok, 1440 quti, 86400 dona “TRENIYA” yozuvli pirotexnika vositalari hujjatlashtirib olindi.

Bundan tashqari, Qarshi tuman IIB xodimlari tomonidan olib borilgan surushtiruvlar davomida Qarshi tumanida yashovchi fuqaro taxminiy qiymati 6 700 000 so‘mlik 5 dona “A2-7” nomli salyut va 24 blok  288 quti 11520 dona “TRENIYA” va “Britanik” yozuvli pirotexnika vositalarini sotmoqchi bo‘lgan vaqtida tadbir ishtirokchilari tomonidan aniqlanib,  huquqbuzarga nisbatan tegishli hujjatlar rasmiylashtirildi.

Shuningdek, Koson tuman IIB xodimlari tomonidan tumandagi

maktab o‘quvchisining yonidan bir quti 50 dona “Treniya” nomli taxminiy bahosi 25 000 so‘mlik pirotexnika vositasi olib yurganligi aniqlanib tegishli tartibda hujjatlar rasmiylashtirilib, uning onasiga nisbatan O‘zR MJtKning 47-moddasi 1-qismi tartibida bayonnoma rasmiylashtirildi. 

Viloyat bo‘ylab bu boradagi ishlar davom ettirilmoqda.